Elezzjoni Ġenerali 2026 - Ħinjiet għall-viżitaturi fl-isptarijiet

Tags: General Election 2026

26 May 2026 10:37:56

STQARRIJA MILL-KUMMISSJONI ELETTORALI

 

ELEZZJONI ĠENERALI – MEJJU 2026

 

Ħinjiet għall-viżitaturi fl-isptarijiet

 

Il-Kummissjoni Elettorali tavża li fil-jum tal-votazzjoni li ser issir il-Ħamis, 28 ta’ Mejju, 2026, fl-isptarijiet Mater Dei inkluż SAMOC, Karin Grech, Monte Karmeli u fl-isptar Ġenerali ta’ Għawdex, dawn l-isptarijiet m’għandhomx jilqgħu viżitaturi fl-ebda ħin tal-ġurnata.

 

Eċċezzjonijiet isiru biss meta jkun hemm raġunijiet serji ta’ saħħa u f’dawn il-każijiet irid jinġieb permess mill-Kummissjoni Elettorali fuq parir tal-awtorita’ tal-Isptar partikolari li jżommu d-diskrezzjoni ta’ kemm qraba jistgħu jidħlu f’waqt wieħed.

 

 

26 ta’ Mejju, 2026