Elezzjoni Ġenerali 2026 - Persuni maħtura biex iservu bħala Assistenti Kummissjonarji Elettorali jew Uffiċjali tal-Post tal-Votazzjoni

STQARRIJA MILL-KUMMISSJONI ELETTORALI

ELEZZJONI ĠENERALI – MEJJU 2026

Persuni maħtura biex iservu bħala Assistenti Kummissjonarji Elettorali jew

Uffiċjali tal-Post tal-Votazzjoni

Il-Kummissjoni Elettorali tavża li d-dettalji tal-persuni maħtura biex iservu bħala Assistenti Kummissjonarji jew Uffiċjali tal-Post tal-Votazzjoni (inklużi r-riservi) fl-Elezzjoni Ġenerali ġew ippubblikati fil-Gazetta tal-Gvern tal-15 ta’ Mejju, 2026.

Il-Kummissjoni Elettorali tavża lil dawk il-persuni li se jservu (inklużi r-riservi) fis-26 ta’ Mejju, 2026, illi se jkunu jistgħu jivvotaw biss is-Sibt it-23 ta’ Mejju, 2026.  Il-kumplament tal-Assistenti Kummissjonarji Elettorali u l-Uffiċjali tal-Post tal-Votazzjoni (inklużi r-riservi) se jkunu jistgħu jivvotaw biss it-Tlieta s-26 ta’ Mejju, 2026, fil-Kumpless tal-Għadd tal-Voti fin-Naxxar jekk huma votanti rreġistrati fuq Malta u fil-Farm Sperimentali tal-Gvern fix-Xewkija jekk huma votanti rreġistrati fuq Għawdex.  L-Assistenti Kummissjonarji Elettorali u l-Uffiċjali tal-Post tal-Votazzjoni għandhom jattendu personalment fil-post u data indikata u jippreżentaw id-dokument tal-vot biex jivvotaw.  Il-ħinijiet ikunu dejjem mis-7.00 am sal-10.00 pm bla waqfien.

Bla ebda mod ma jkun possibli li dawn il-persuni hekk maħtura jivvotaw is-Sibt it-30 ta’ Mejju, 2026, anke jekk jirtiraw mill-kariga.

19 ta’ Mejju, 2026