Elezzjoni Ġenerali 2017 - Votazzjoni f'San Vinċenz de Paule u Djar tal-Anzjani

STQARRIJA MILL-KUMMISSJONI ELETTORALI
 

ELEZZJONI ĠENERALI - 2017

Votazzjoni f’San Vinċenz de Paule, fi 30 Dar tal-Anzjani u fl-Isptarijiet Mater Dei, Karin Grech, Monte Karmeli u l-Isptar Ġenerali f’Għawdex

Il-Kummissjoni Elettorali tavża li l-jum tal-votazzjoni f’dawn l-istituzzjonijiet se jkunu dawn li ġejjin:

Residenza San Vinċenz de Paule u 30 Dar tal-Anzjani  (ara Skeda)  - is-Sibt, 27 ta’ Mejju, 2017 

L-Isptarijiet Mater Dei, Karen Grech, Monte Karmeli u l-Isptar Ġenerali ta’ Għawdex – il-Ħamis, 1 ta’ Ġunju, 2017

Il-ħin tal-votazzjoni jkun mis-7.00 am sal-10.00 pm mingħajr waqfien.

Fil-każ tar-Residenza San Vinċenz de Paule u tat-30 Dar tal-Anzjani:

jivvotaw f’dawn il-postijiet (fis-27 ta’ Mejju, 2017), dawk il-votanti li huma reġistrati f’dawn l-istituzzjonijiet, kif ukoll dawk kollha residenti (iżda mhux reġistrati bħala votanti fihom) sas-Sibt, 20 ta’ Mejju, 2017;

dawk il-membri tal-familja jew persuni oħra li għandhom id-dokument għall-votazzjoni ta’ xi qraba jew persuni oħra bħalissa residenti f’San Vinċenz u fid-Djar tal-Anzjani għandhom jagħtu dan id-dokument lil din il-persuna sa mhux aktar tard min-nofsinhar tal-Ġimgħa, 26 ta’ Mejju, 2017;

fis-27 ta’ Mejju ma jkunx hemm ħinijiet għall-viżitaturi f’dawn l-istituzzjonijiet.

Fil-każ tal-Isptarijiet Mater Dei, Karen Grech, Monte Karmeli u l-Isptar Ġenerali ta’ Għawdex:

jivvotaw f’dawn il-postijiet (fl-1 ta’ Ġunju, 2017) il-votanti rikoverati fihom sas-6.00 ta’ filgħaxija tat-Tnejn, 29 ta’ Mejju, 2017, u mhux kif jidher fuq id-dokument tal-votazzjoni tagħhom.  Huwa importanti li dawn il-votanti jiżguraw li d-dokument tal-vot tagħhom ikun fil-pussess tagħhom sal-31 ta’ Mejju.

Skeda

www.electoral.gov.mt

23 ta’ Mejju, 2017