Espressjoni ta' Interess - Kiri ta' Binja

Avviż għall-Istampa

Espressjoni ta’ Interess – Kiri ta’ Binja

Il-Kummissjoni Elettorali tgħarraf li ħarġet Espressjoni ta’ Interess (EOI) biex tikri bini ta’ bejn 800 u 1,200 metru kwadru li jkun adegwat għaliha u għall-Uffiċċju Elettorali fuq medda ta’ mill-inqas 10 snin.  Din l-EOI tista’ titniżżel mis-sezzjoni tal-Pubblikazzjonijiet fis-sit elettroniku tal-Kummissjoni Elettorali (www.electoral.gov.mt).

Jistgħu jsiru talbiet bil-miktub għall-kjarifikazzjoni fuq is-suġġett lill-Kummissjonarju Elettorali Prinċipali fuq [email protected].  L-informazzjoni mitluba fl-EOI trid tasal bl-idejn għand il-Kummissjonarju Elettorali Prinċipali f’envelop issiġillat fl-Uffiċċju Elettorali, Evans Building, Triq il-Merkanti, il-Belt Valletta, sa mhux aktar tard minn nofsinhar tal-Ġimgħa, 8 ta’ Lulju, 2016.

www.electoral.gov.mt

25 ta’ Mejju, 2016