Pubblikazzjoni ta' avviżi fil-Gazzetta tal-Gvern ta' numri ġodda ta' bibien
STQARRIJA GĦALL-ISTAMPA
Is-Sezzjoni tal-Immaniġġjar tal-Indirizzi fi ħdan l-Uffiċċju Elettorali tavża lir-residenti ta’:
Triq Nazzareno Farrugia, Il-Fgura;
Sqaq Sant’Anna, Il-Mosta;
Triq il-Madonna tal-Grazzja, Il-Qrendi; u
Triq Fra Ferd Mattei u Triq il-Prof. Daniel Callus, Ħaż-Żebbuġ
li l-bibien f’dawn it-toroq ingħataw uffiċjalment numri ġodda. L-avviż ġie ppubblikat fil-Gazzetta tal-Gvern tat-22 ta’ Settembru, 2020, u jidher ukoll fil-websajt tal-Kummissjoni Elettorali (www.electoral.gov.mt) taħt is-sezzjoni Pubblikazzjonijiet. Ir-residenti huma mfakkra li huma fl-obbligu tal-liġi li jwaħħlu n-numri l-ġodda u jneħħu n-numri l-qodma sa tletin jum kalendarju mit-22 ta’ Settembru, 2020.
23 ta’ Settembru, 2020