Pubblikazzjoni ta' avviżi fil-Gazzetta tal-Gvern ta' numri ġodda ta' bibien

STQARRIJA GĦALL-ISTAMPA

Is-Sezzjoni tal-Immaniġġjar tal-Indirizzi fi ħdan l-Uffiċċju Elettorali tavża lir-residenti ta’:

Triq Robert Farrugia Randon, Birkirkara;

Triq il-Magħluq u Trejqet it-Torri, Marsaskala;

Triq Tas-Salib, Il-Mellieħa;

Triq l-Indipendenza, Ħaż-Żebbuġ; u

Triq il-Passju, Iż-Żurrieq

li l-bibien f’dawn it-toroq ingħataw uffiċjalment numri ġodda.  L-avviż ġie ppubblikat fil-Gazzetta tal-Gvern tat-2 ta’ Ottubru, 2020, u jidher ukoll fil-websajt tal-Kummissjoni Elettorali (www.electoral.gov.mt) taħt is-sezzjoni Pubblikazzjonijiet.  Ir-residenti huma mfakkra li huma fl-obbligu tal-liġi li jwaħħlu n-numri l-ġodda u jneħħu n-numri l-qodma sa tletin jum kalendarju mit-2 ta’ Ottubru, 2020.

6 ta’ Ottubru, 2020