Pubblikazzjoni ta' avviżi fil-Gazzetta tal-Gvern ta' numri ġodda ta' bibien

STQARRIJA GĦALL-ISTAMPA

Is-Sezzjoni tal-Immaniġġjar tal-Indirizzi fi ħdan l-Uffiċċju Elettorali tavża lir-residenti ta’:

Triq it-22 ta’ Frar u Triq Dun Vinċenz Fenech, Birżebbuġa; u

Triq Dott. Daniel Piscopo, Misraħ Karmenu Mifsud Bonnici, Sqaq il-Kunċizzjoni, Triq il-Kunċizzjoni, Sqaq Santa Liena u Triq Wiġi Rosato, Bormla

li l-bibien f’dawn it-toroq ingħataw uffiċjalment numri ġodda.  L-avviż ġie ppubblikat fil-Gazzetta tal-Gvern tal-31 ta’ Ottubru, 2025, u jidher ukoll fil-websajt tal-Kummissjoni Elettorali (www.electoral.gov.mt) taħt is-sezzjoni Pubblikazzjonijiet.  Ir-residenti huma mfakkra li huma fl-obbligu tal-liġi li jwaħħlu n-numri l-ġodda u jneħħu n-numri l-qodma sa tletin jum kalendarju mill-31 ta’ Ottubru, 2025.

5 ta’ Novembru, 2025