MEP & LC 2024 - irtirar ta' dokumenti għall-votazzjoni
STQARRIJA MILL-KUMMISSJONI ELETTORALI
ELEZZJONIJIET GĦALL-PARLAMENT EWROPEW U
GĦALL-KUNSILLI LOKALI – 8 TA’ ĠUNJU, 2024
Irtirar ta’ Dokumenti għall-Votazzjoni
Il-Kummissjoni Elettorali tgħarraf lil dawk il-persuni li għadhom ma ġabrux id-dokument/i għall-votazzjoni tagħhom illi jistgħu jiġbruhom PERSONALMENT mill-Uffiċċju Elettorali, Kumpless tal-Għadd tal-Voti, in-Naxxar, jew, għall-votanti reġistrati f’Għawdex, mill-Uffiċċju tal-Karta tal-Identita’, 28A Pjazza San Franġisk, ir-Rabat Għawdex.
Il-ġranet u l-ħinijiet li fihom wieħed jista’ jiġbor id-dokument/i għall-votazzjoni huma dawn:
It-Tlieta 4 u l-Erbgħa 5 ta’ Ġunju, 2024:
mit-8.00 am sas-1.00 pm u mit-3.00 pm sad-9.00pm
Il-Ħamis, is-6 ta’ Ġunju, 2024 (l-aħħar jum):
mit-8.00 am sas-1.00 pm u mit-3.00 pm sa nofsillejl
TRID TIĠI PPREŻENTATA L-KARTA TAL-IDENTITA’/
ID-DOKUMENT TAR-RESIDENZA PERSONALMENT
L-EBDA DOKUMENT IEĦOR MA JISTA’ JKUN AĊĊETTAT
GĦAL DAN L-ISKOP
MINGĦAJR ID-DOKUMENT/I GĦALL-VOTAZZJONI ĦADD MA JKUN JISTA’ JIVVOTA NHAR JUM IL-VOTAZZJONI
2 ta’ Ġunju, 2024
