Votazzjoni ghal dawk li ser ikunu msifrin jew rikoverati fi sptar f’jum il-votazzjoni – 11 ta’ April, 2015
AVVIŻ MILL-KUMMISSJONI ELETTORALI
Referendum Nazzjonali u Elezzjonijiet tal-Kunsilli Lokali – April 2015
Votazzjoni għal dawk li ser ikunu msifrin jew rikoverati fi sptar f’jum il-votazzjoni – 11 ta’ April, 2015
Il-Kummissjoni Elettorali tfakkar lil dawk il-votanti li ser ikunu msiefra jew rikoverati fi sptar f’jum il-votazzjoni nhar is-Sibt, il-11 ta’ April, 2015 u li jixtiequ jivvotaw is-Sibt, 4 ta’ April, 2015, fil-Kumpless tal-Għadd tal-Voti, fin-Naxxar, illi baqagħlhom sa nofsinhar tal-Ġimgħa, it-3 ta’ April, 2015, biex jagħmlu dikjarazzjoni ġuramentata/solenni quddiem Kummissjonarju Elettorali fl-Uffiċċju tal-Kummissjoni Elettorali, Evans Building, Triq il-Merkanti, il-Belt Valletta, jew fl-Uffiċċju tal-Karta tal-Identita’, Pjazza San Franġisk, ir-Rabat, Għawdex, skont il-ħinijiet murija hawn taħt:
mit-Tnejn sal-Ġimgħa: mit-8.00 am sas-2.00 pm u
mit-3.00 pm sas-7.00 pm
Sibtijiet, Ħdud, id-19, is-27 u l-31 ta’ Marzu: mit-8.00 am sas-1.00 pm
Il-Ġimgħa t-3 ta’ April (l-aħħar nofstanhar): mit-8.00 am sa nofsinhar
Importanti li l-persuna tieħu l-Karta tal-Identita’ jew tar-Residenza tagħha meta tmur tagħmel id-dikjarazzjoni bil-ġurament/solenni u li, fid-data tal-votazzjoni bikrija (4 ta’ April, 2015) tkun fil-pussess tad-dokument għall-votazzjoni tagħha, għax mingħajru, ħadd ma jitħalla jivvota.
17 ta’ Marzu, 2015
